Казанда җылылыкны соңрак бирәчәкләр

"Реальное время" басмасы Казан мэриясеннән җылыту сезоны турында сорашты. Исегезгә төшерәбез, җылылыкны 20 сентябрь, ягъни бүген бирергә тиешләр иде.

Мэриядә температура биш көн дәвамында +8 градустан түбән торса җылылык бирелә башлаячак дигәннәр.

Хәзер Татарстан башкаласында социаль объектлар: балалар бакчалары, сәламәтлек саклау объектлары, гомуми белем бирү учреждениеләре, социаль яклау объектлары, мәдәният объектлары, торак фонды объектлары, шулай ук спорт һәм яшьләр объектлары җылы бирелде.