Түбән Камада автобус астында калып хатын-кыз үлгән

Бүген иртән Түбән Каманың Корабельная урамында 17а йорт каршында юл-транспорт һәлакәте булган. Бу турыда «Татар-информ»га Татарстан Республикасы буенча Эчке эшләр министрлыгының матбугат хезмәтендә сөйләгәннәр.

Башлангыч мәгълүматлар буенча, «НЕФАЗ» автобусы йөртүчесе 52 яшьлек хатын-кызны җәяүлеләр кичүендә бәрдергән.

«Һәлакәт вакытында алган җәрәхәтләреннән җәяүле вакыйга урынында ук үлгән. Юл-транспорт һәлакәтенең шартлары ачыклана», – диелә хәбәрдә.

Фото: НТР 24