Ял көннәре башында Татарстанда +16 градуска кадәр җылытачак

Шимбә,1 октябрьдә, Татарстан җирлегендә явым-төшем көтелми. Төнлә һәм иртән урыны белән томан көтелә. Бу хакта ТР Гидрометеорология үзәге хәбәр итә.

Синоптиклар фаразлары буенча, алдагы төндә республикада +3..+8 градуска кадәр суыта. Октябрьнең беренче көнендә көндез һаваның максималь температурасы +11..+16 градус булачак.

Казанда төнлә термометр баганалары +6..+8 градус билгесенә төшәчәк. Көндез һаваның максималь температурасы +13..+15 градус тәшкил итәчәк.

Фото: соц.сети