Чаллыда урманда адашкан өч хатын-кызны коткарганнар

Чаллының Боровец урманында кабат кешеләр югалган. Аларга коткаручылар ярдәме кирәк булган. Урманнан өч хатын-кыз чыга алмаган.

Урынга килгән коткаручылар 20 квадрат километр урманны тикшергән. Адашкан хатыннарны эзләүдә шулай ук моның өчен махсус әзерләнгән эт катнашты.

Берничә сәгать эзләгәннән соң, хатын-кызлар табыла һәм урманнан автомобильләренә чыгарыла, дип хәбәр итә Татарстан Гадәттән тыш хәлләр министрлыгының матбугат хезмәте.

Фото: МЧС РТ