Өлешчә мобилизация буенча хәрби хезмәткә чакырылган ир-атларның балалары өчен "Батыр" картасы гамәлгә кертелде

Казан хакимитендәге киңәшмәдә өлешчә мобилизация буенча хәрби хезмәткә чакырылган ир-атларның балалары өчен өстәмә ярдәм чараларын игълан иттеләр.

Кичәге көннән башлап, Казанда өлешчә мобилизациягә эләкән ир-атларның балалары мәктәпләрдә бушлай туклана, җәмәгать транспортында да бушлай йөри ала, муниципаль спорт корылмаларына, музей театрларга түләүсез керү хокукына ия. Моның өчен "Батыр" дигән махсус карта булдырылган

Көзге каникулларда аларны "Восток" лагерендә көтәләр. Махсус ял сменасы оештырылачак. Шулай ук Казанның яшүсмерләр клубларындагы түгәрәкләрдә дә түләүсез шогыльләнә алачаклар. Бер бала да игътибардан читтә калмасын иде, ди Илсур Метшин. Тулырак ТНВ сюжетында белә аласыз.

Фото: пресс-служба администрации Кировского и Московского районов