Татарстанда өлешчә мобилизацияләнүчеләрнең балаларына 20 мең сум акча түләнәчәк

Россия Президенты Владимир Путин игълан иткән өлешчә мобилизация кысаларында хәрби хезмәткә чакырылган гражданнар балалары өчен Татарстан хакимияте 20 000 сум күләмендә бер тапкыр бирелә торган түләүләрне игълан итте.

Социаль ярдәмгә акча Татарстан Министрлар Кабинетының төбәк резерв фондыннан биреләчәк.

Исегезгә төшерәбез, 21 сентябрьдән Россиядә Президент Владимир Путин игълан иткән өлешчә мобилизация бара.

Фото: соцсети