Кукмарада шәхси йортта чыккан янгында 63 яшьлек ир-ат үлгән

Бүген иртән Татарстанның Кукмара районы Село-Чура авылының Яшьләр урамындагы 8нче йортта чыккан янгында 63 яшьлек ир-ат вафат булды, дип хәбәр итә ТР Гадәттән тыш хәлләр министрлыгының матбугат хезмәте.

Янгын мәйданы 38 квадрат метр тәшкил иткән. Һәлак булучының гәүдәсе янган йортны сүтү барышында табыла. Янгынның сәбәбе ачыклана.



Фото: МЧС РТ