Татарстан районнарыннан мобилизацияләнгән егетләрнең зур төркемнәрен Казанга озаталар - видео

Татарстан районнарыннан мобилизацияләнгән егетләрнең зур төркемнәрен бу атнада Казанга озаталар. Бүген Кама аръягыннан йөзләгән кеше китте.

Яр Чаллы, Түбән Кама, Алабуга, Мөслимнәр. Алар инде башкалада - монда җыелу пунктларына урнаштыралар. Алдагы берничә атна дәвамында хәрби әзерлек узачаклар. Һәр шәһәр һәм районда якташларын озатырга җитәкчелек килә.

Яр Чаллыда бүген Камаз заводларыннан да китүчеләр бар иде. Аларга хәер-фатыйханы Камаз җитәкчесе Сергей Когогин бирде. Үз чыгышында ул: Россия армиясендә Татарстан камазларының булуын әйтте.