Татарстанда газлаштырып бетерү программасының быелгы планы тулысынча үтәлмәскә мөмкин

Татарстанда газлаштырып бетерү программасының быелгы планы тулысынча үтәлмәскә дә мөмкин. Кичә бу хакта тарифлар буенча дәүләт комитеты рәисе урынбасары Дмитрий Сапожников белдерде.

Күпчелек очракта газ торбалары йорт участоклары читенә кадәр сузылган. Ә йортка кертү җир хуҗаларының үзләреннән тора. Мондый мөмкинлеге булмаган кешеләр яки кертергә ашыкмаучылар бар.

ТНВ хәбәрчесе Гөлназ Сәйфетдинова якын арада газлы булачак гаилә белән аралашты һәм быелгы программадан никадәр актив файдаланулары белән кызыксынды.