Казанда мобилизация буенча чакырылган беренче төркем өчен хәрби өйрәнүләр тәмамлана

Казанның танк полигонында өлешчә мобилизация буенча чакырылган беренче төркем өчен хәрби өйрәнүләр тәмамлана. Ир-атлар утлы коралдан ату, граната ыргыту, хәрби техника белән эш итү алымнарын үзләштерә. Тәҗрибәле офицерлар киңәш биреп, өйрәтеп торалар.

Физик әзерлек һәм техниканы белүдән тыш, командада бер-береңне аңлау бик мөһим, ди командирлар.

ТНВ хәбәрчесе Илдар Сәфиуллин өйрәнү урынында булды һәм хәрбиләр белән аралашты.