Кар машинасы алам дип, казанлы 60 мең сум акчасын югалткан

Казанда яшәүче ир-ат, кар машинасы сатып алырга теләп, мошенникларга 60 мең сумнан артык акчасын күчергән. Бу хакта Казан мэриясе матбугат хезмәте хәбәр итә.

Зыян күрүченең сүзләренә караганда, ул кар машинасы сатылу турындагы белдерүне бер интернет-сайтта тапкан. Сатучы аннан килешүне рәсмиләштерү өчен залог кертүен сораган һәм акча күчерү өчен үз картасының реквизитларын биргән.

Әлеге хәл буенча җинаять эше ачылган.

Фото: kzn.ru