Яңгыр, кар: 4 ноябрь Татарстанда -8 градуска кадәр суыта

Озын ялларда Татарстан җирлегендә яңгыр һәм кар яву көтелә. Юлларда бозлавык хасил булырга мөмкин. Бу хакта ТР Гидрометеорология үзәгендә кисәттеләр.

Синоптиклар фаразлары буенча, 4 ноябрьнең җомга төнендә Татарстанда һава температурасы +1..-4 градуска кадәр төшәчәк, республиканың көнчыгыш районнарында -8 градуска кадәр суыта. Көндез һава +3..-1 градуска кадәр күтәрелә.

Казанда төнлә термометр баганалары -1..+1 градус билгесенә төшәчәк. Көндез иң югары һава температурасы +1..+3 градус булачак.

Фото: соц.сети