Бүген Совет районы йортларында су бетәчәк

Бүген Казанның Совет районындагы кайбер йортларда су бетеп торачак. Бу Минск урамындагы суүткәргечтә булган авария белән бәйле, дип хәбәр итә Казан мэриясенең матбугат хезмәте.

10:00 сәгатьтән төн уртасына кадәр 54 күпфатирлы торак йортта, 4 балалар бакчасында, 2 мәктәптә һәм 10 административ бинада, шулай ук Вознесение бистәсендәге кайбер шәхси йортларда су булмаячак.

Автоцистерналар халыктан килгән гаризалар нигезендә урнаштырылачак, шалтыратулар +7(843)231-62-60 телефоны буенча кабул ителә.