Татарстанда каты көнкүреш һәм сыек калдыкларга ныклап алынырга җыеналар - видео

Каты көнкүреш калдыкларын җыеп тапшыру өлкәсендә, ниһаять, тәртип салырга һәм сыек калдыкларга ныклап алынырга җыеналар.

Татарстан депутатлары Дәүләт Думасына һәм Хөкүмәт рәисе Михаил Мишустинга мөрәҗәгать әзерли. Хәзер авыл җирендә юынтык суларны шәхси эшмәкәрләр суыртып алып китә, бу эш өчен бәяне дә үзләре билгели. Моннан алып киткәч, кая илтеп түгүләре тәгаен билгеле түгел. Депутатлар шушы өлкәдә тәртип салырга ниятли.

Утырышта яңгыраган фикерләрне ТНВ хәбәрчесе Гөлназ Сәйфетдинова тыңлады.