15 ноябрьдә Татарстанда һава -8 градуска кадәр җитәчәк

Сишәмбе, 15 ноябрьдә, Татарстан җирлегендә кар яву көтелә, урыны белән кыска вакытлы буран. Төньяк-көнбатыш исүче җил 15-20 м/с кадәр җитәчәк. Бу хакта ТР Гидрометеорология үзәгендә кисәттеләр.

Синоптиклар фаразларына килгәндә, алдагы төндә Татарстанда һава температурасы -3..-8 градуска кадәр төшәчәк. Көндез һаваның максималь температурасы -1..-6 градус булачак.

Казанда төнлә термометр баганалары -4..-6 градус билгесенә төшәчәк. Көндез шәһәрдә һава -2..-4 градус кадәр күтәреләчәк.

Фото: соц.сети