Татарстанда сабыйларга нинди исемнәр кушканнар? Нина, Аделаида, Евангелина һәм Вильдан

Узган атнада, 7 ноябрьдән 13 ноябрьгә кадәр, Гражданлык хәле актларын теркәү идарәсенең Казан бүлекләрендә 305 бала — 204 малай һәм 162 кыз тууы теркәлгән. Шул ук вакыт аралыгында 204 пар үзләренең никахларын рәсмиләштергән, дип хәбәр итә Казан Мэриясе матбугат хезмәте.

Иң кечкенә сабый 970 грамм авырлыкта туган, ә иң зурысы 5110 грамм тәшкил иткән.

Атнаның иң популяр исемнәр арасында Илья, Мирон, Эрик, Алан, Таисия, Әминә, Ясминә һәм Амелия булган, ә иң сирәк исемнәр –  Нина, Аделаида, Евангелина, Зәрия, Август, Георгий, Вилдан һәм Рамзан.

Фото: pixabay