19 ноябрьдә Татарстанда буран көтелә

19 ноябрь, шимбә, Татарстан җирлегендә кар яву һәм бураннар көтелә. Төньяк-көнчыгыштан исүче җил 15-20 м/с җитәчәк, дип кисәттеләр ТР Гидрометеорология үзәгендә.

Синоптиклар фаразлары буенча, төнлә ТРда -2..-7 градуска кадәр суынырга мөмкин. Көндез максималь һава температурасы 0..-5 градус булачак.

Казанда төнлә термометр баганалары -3..-5 градус билгесенә төшәчәк. Көндез шәһәрдә һава -1..-3 градус кадәр җылыначак. Юлларда кар көртләре һәм бозлавык хасил булачак.

Фото: соц.сети