Татарстанда сабыйларга нинди исемнәр кушканнар? Мир, Һадия, Антип һәм Евдоким

Узган атнада, 14 ноябрьдән 20 ноябрьгә кадәр, Гражданлык хәле актларын теркәү идарәсенең Казан бүлекләрендә 356 бала — 187 малай һәм 169 кыз тууы теркәлгән. Шул ук вакыт аралыгында 181 пар үзләренең никахларын рәсмиләштергән, дип хәбәр итә Казан Мэриясе матбугат хезмәте.

Иң кечкенә сабый 600 грамм авырлыкта туган, ә иң зурысы 5000 грамм тәшкил иткән.

Атнаның иң популяр исемнәр арасында Марк, Кәрим, Радмир, Әмир, Амелия, Ева, Мия һәм Эмилия булган, ә иң сирәк исемнәр –  Евсей, Антип, Мир, Евдоким, Әнис, Даниэла, Лея, Һадия һәм Марьяна.

Фото: pixabay