Балык кадерлеме, үз гомереңме?: Балыкчылар бозга күпләп чыга башладылар

Кичә Гадәттән тыш хәлләр министрлыгы хезмәткәрләре транспорт полициясе белән берлектә рейдка чыкты. Ярдан хәбәр салып, балыкчылар килмәгәч, үзләре алар янына бара.

Зөя утрау-шәһәрчеге янында балыкчылар елга өстенә күпләп чыга башлаган. Кайбер сәгатьләрдә аларның саны 200гә җитә икән. Балыкчыларның һәммәсе гомерләрен куркыныч астына куя.

Тикшерүчеләрне күргәч, кайберәүләр кармакларын тотып китәргә ашыкты, кемнәргәдер беркетмә төзеделәр. Ни өчен алар өчен гомерләре түгел, ә балык кадерлерәк? Рейдта ТНВ хәбәрчесе Инзилә Хөсәинова да булып кайтты.