Казанның өч урамында хәрәкәт өлешчә чикләнәчәк

Казанда Васильченко, Восстание һәм Коләхмәтов урамнары буенча транспорт һәм җәяүлеләр хәрәкәте чикләнәчәк, дип хәбәр итә Казан мэриясе матбугат хезмәте.

26 ноябрьдән 11 декабрьгә кадәр Васильченко урамындагы 1в, 7, 63 һәм Восстание урамындагы 100 корп.10 номерлы биналар янында юл өлешчә ябылачак.

11 декабрьдән 31 декабрьгә кадәр җәяүлеләр хәрәкәте һәм транспорт өчен Восстание урамындагы 80 нче номерлы бина янындагы участок ябылачак. Шул ук вакытта Восстание урамындагы 83а номерлы бина янындагы тротуарның бер өлешен дә ябачаклар. Шул ук срокка Коләхмәтов урамындагы 31 номерлы бина янындагы җирле юлны өлешчә ябачаклар.

Бу газүткәргеч челтәрләрендәге эшләр белән бәйле.