3 декабрь Татарстанда -28 градуска кадәр суытачак

Шимбә, 3 декабрьдә, Татарстан җирлегендә явым-төшем көтелми. Төнлә һәм иртә белән аерым районнарда томан булачак.

Синоптиклар фаразлары буенча, төнлә Татарстанда -17...-22 градуска, аязганда -28 градуска кадәр суытачак. Көндез һава температурасы -14...-19 градуска җитәчәк.

Казанда төнлә термометр баганалары -18...-20, аязганда -23 градуска кадәр төшәчәк. Көндез һава температурасы -15...-17 градус булачак. Юлларда бозлавык саклана.

Фото: соц.сети