29 декабрьдә Татарстанда кар һәм буран көтелә

29 декабрьдә, пәнҗешәмбе, Татарстан җирлегендә кар яву көтелә, аерым районнарда буран да булачак. Бу хакта ТР Гидрометеорология үзәге хәбәр итә.

Синоптиклар 29 декабрьдә төнлә республикада термометр баганалары -6..-11 градуска, вакыты белән -14 градуска кадәр төшәчәк дип фаразлый. Көндез -4..-9 градуска кадәр җитәчәк.

Казанда төнлә һава температурасы -9..-11 градуска кадәр төшәчәк. Шәһәрдә көндез температура -5..-7 градус булачак. Юлларда бозлавык, игътибарлы йөрегез.

Фото: соц.сети