Татарстанда соңгы өч көн эчендә 14 кеше сөрем газыннан зыян күргән

Көннәр кинәт салкынайту сәбәпле сөрем газы белән агуланучылар саны да арткан. Татарстанда өч көн эчендә 14 кеше зыян күргән. Шуларның 6сы балалар. Гаиләләре белән агуланучылар да бар.

Күңелсез хәлләрнең берсе Мөслимдәге шәхси йортта килеп чыккан. Моннан тыш Азнакай һәм Казандагы өйләрдә дә сөрем газы белән агулану очраклары бар. Зыян күрүчеләрнең кайберләре хастаханәдә. 3 көн эчендә бу кадәр агуланучы булганы юк иде ди белгечләр. Тулырак ТНВ репортажында.