Ринат Садыйков Татарстан яшьләр эшләре министры итеп билгеләнде

36 яшьлек Ринат Садыйковны Татарстан Яшьләр эшләре министры вазифасына билгеләделәр. Аны билгеләү турында рәсми документлар якын арада әзерләнәчәк, дип хәбәр итә "Реальное время".

Ринат Садыйков 1986 елның 18 мартында Казанда туган. 2008 елдан башлап 10 ел дәвамында республиканың студентлар хезмәт отрядын җитәкләде, соңыннан ТР яшьләр эшләре министры урынбасары итеп билгеләнде. 2021 елдан шунда ук беренче урынбасар булды.

Фото: tatarstan.ru