ТНВ "Ак Барс" - "Адмирал" матчын туры эфирда күрсәтәчәк

16 гыйнварда "Ак Барс" Владивостокның «Адмирал» клубын кабул итәчәк. "Татнефть Арена"да уен 19:30 сәгатьтә башлана. Әлеге матчны ТНВ туры трансляциядә күрсәтәчәк.

"Ак Барс" регулярканың соңгы уенында үз кырында "Сибирь"га оттырды (3:4), ә "Адмирал" Башкортстан клыбы "Салават Юлаев"ка  оттырды (0:2)

Командалар соңгы тапкыр 8 сентябрьдә очрашкан иде. Ул вакытта овертаймда казанлылар өстен чыкты һәм 1:2 исәбе белән җиңү яулады.

Фото: "Ак Барс"