Хач ману төнендә Татарстанда -22 градуска кадәр суыта

Пәнҗешәмбе, 19 гыйнварда, Татарстан җирлегендә сизелерлек явым-төшем көтелми. Юлларда бозлавык саклана, игътибарлы йөрегез.

Синоптиклар фаразлары буенча, Татарстанда төнлә һава температурасы -12..-17 градуска кадәр төшәчәк. Урыны белән -22 градуска кадәр дә җитәчәк. Көндез ТРда -6..-11 градуска кадәр җылыначак.

Казанда төнлә термометр баганалары -12..-14 градус билгесенә төшәчәк. Пәнҗешәмбе шәһәрдә һаваның максималь температурасы -7..-9 градус булачак.

Фото: соц.сети