Казанда Ф.Әмирхан урамы вакытлыча чикләнә

Казанда Ф.Әмирхан урамы өлешчә хәрәкәт өчен ябылачак. Бу хакта Казан мэриясе матбугат хезмәте хәбәр итә.

21 гыйнвардан 31 августка кадәр машина юлы Чистай урамындагы 62 нче номерлы йорт янында тулысынча ябылачак. Шул ук вакытта җәяүлеләр хәрәкәте өчен Әмирхан урамындагы 69а номерлы йорт янындагы тротуарны, шулай ук Ямашев проспекты буенча 69в номерлы йорт янындагы юл һәм тротуарны өлешчә ябачаклар.

Бу авария хәлендәге участокта өченче төньяк коллекторны ремонтлау белән бәйле.

Фото: kzn.ru