Балалар мәйданчыгы янында чүп савыты. Кем җавап тотачак?

Чүп-чар ташлый торган контейнерлар торган урын шәхси зат кулына күчкәннән соң, савытларны балалар мәйданчыгына якын китереп куйдылар. Казанның Шамил Усманов урамындагы йортларның берсендә яшәүчеләр моның белән риза түгел һәм чара күрүне сорый.

Алар, яз-көз монда пычрак булачак, җәен ис киләчәк, чүп-чар уен мәйданчыгына очачак дип борчыла. Идарәче компания вәкилләре һәм район хакимиятендә халыкны ишетергә әзерләрме? ТНВ хәбәрчесе әлеге хәлгә ачыклык кертте.