Татарстанда сабыйларга нинди исемнәр кушканнар? Айдар, Жасмина, Ирада һәм Авелина

Узган атнада, 16 гыйнвардан 22 гыйнварга кадәр, Гражданлык хәле актларын теркәү идарәсенең Казан бүлекләрендә 364 бала — 197 малай һәм 167 кыз тууы теркәлгән. Шул ук вакыт аралыгында 136 пар үзләренең никахларын рәсмиләштергән, дип хәбәр итә Казан Мэриясе матбугат хезмәте.

Иң кечкенә сабый 800 грамм авырлыкта туган, ә иң зурысы 4540 грамм тәшкил иткән.

Атнаның иң популяр исемнәр арасында  Мирон, Кәрим, Дамир, Агата, Ясминә һәм София Анна булган, ә иң сирәк исемнәр –  Кир, Аким, Айдар, Жасмина, Ирада һәм Авелина.

Фото: pixabay