25 гыйнварда Татарстанда Кар яву һәм томан көтелә

Шимбә, 25 гыйнварда, Татарстан җирлегендә урыны белән кар яву көтелә, иртән аерым районнарда томан. Бу хакта ТР Гидрометеорология үзәге хәбәр итә.

Синоптиклар фаразлары буенча, республикада төнлә һава температурасы -11..-16 градуска, вакыты белән -17..-22 градуска кадәр төшәчәк. Көндез -4..-9 градуска кадәр җылыначак.

Казанда төнлә термометр баганалары -11..-13 градуска төшәчәк, аязганда -16 градуска кадәр җитәчәк. Көндез шәһәрдә һава -4..-6 градуска кадәр җылыначак. Юлларда бозлавык саклана, игътибарлы йөрегез!

Фото: соц.сети