27 гыйнварда Татарстанда буран көтелә

Җомга, 27 гыйнварда, Татарстан җирлегендә кар яву көтелә, аерым районнарда буран. Көньяк-көнбатыштан исүче җилнең көче 16 м/с кадәр көчәячәк. Бу хакта ТР Гидрометеорология үзәгендә кисәттеләр.

Синоптиклар республикада төнлә һава температурасы -5.. -10 градус булыр дип фаразлый. Көндез һаваның максималь температурасы -3..-8 градус булачак.

Казанда төнлә термометр баганалары -5..-7 градус билгеләренә якынлашачак. Көндез шәһәрдә -3..-5 градуска кадәр җылыначак.

Фото: соц.сети