28 гыйнвар Татарстанда кар явачак һәм -2 градуска кадәр җылытачак

Шимбә, 28 гыйнварда, Татарстан җирлегендә кар явачак. Бу хакта ТР Гидрометеорология үзәге хәбәр итә.

Синоптиклар фаразлары буенча, шимбә төнендә республикада һава температурасы -5..-10 градуска кадәр төшәчәк. Көндез -2..-7 градуска кадәр җылытачак.

Казанда төнлә термометр баганалары -5..-7 градус билгесенә төшәчәк. Көндез иң югары һава температурасы -2..-4 градус көтелә. Юлларда бозлавык саклана, игътибарлы йөрегез.

Фото: соц.сети