Казанда 17 яшлек кыз сөрем газы белән агуланып үлгән

7 февраль кичендә Казанның Зелинский урамындагы шәхси йортларның берсендә 17 яшьлек кыз сөрем газы белән агуланып үлгән, дип хәбәр итә Татарстан Тикшерү комитетының матбугат хезмәте.

Бу вакытта өйдә булган 2008-2015 елгы тагын дүрт бала сөрем газы белән агуланып Республика балалар клиник хастаханәсенә эләккәннәр.

Әлеге факт буенча "Иминлек таләпләренә туры килмәгән хезмәт күрсәтү" маддәсе буенча җинаять эше кузгатылган.

Фото: pixabay