Теләчегә билбау көрәше буенча иң оста спортчылар җыелды - видео

Кичә Теләчегә билбау көрәше буенча иң оста спортчылар җыелды. Монда Россиянең атказанган тренерлары Мәгас Сәхабетдинов һәм Әсхәт Шәйхетдинов истәлегенә Бөтенроссия ярышлары узды.

Бу ике шәхес - берничә буын батырларны келәмгә бастырган остазлар. Алар әле һаман да яшьләр өчен үрнәк, дип белдерде ярышның ачылышына килгән Марат Әхмәтов.

Милли көрәш - бөтен татарларны берләштерсә, билбау көрәше - төрки халыкларның уртак байлыгы.