Владимир Путин махсус хәрби операциядә катнашучы татарстанлыны Батырлык ордены белән бүләкләде

Россия Президенты Владимир Путин Украинада махсус хәрби операциядә катнашучы 47 яшьлек Бөгелмәдә туган Андрейга Батырлык ордены белән бүләкләде. Татарстанлыга бүләкне Бөгелмә районы башлыгы Линар Закиров тапшырды, дип җиткерә "Татар-информ" агентлыгы.

Татарстанлы махсус хәрби операция зонасына 2022 елның июлендә үз теләге белән "Барс" отряды составында китә. Дәүләт башлыгының 2022 елның 30 ноябрендәге Указында татарстанлы Херсон өлкәсенең Ингулец елгасындагы сугышларда хәрби бурычын үтәгәндә күрсәткән батырлыгы һәм фидакарьлек өчен бүләкләнде дип билгеләп үтелде.



Хәзерге вакытта Андрей кыска вакытлы ялда. Бу атнада ул кабат махсус хәрби операция зонасына кузгалачак.

Фото: пресс-служба Бугульминского района Татарстана