Казанның Әмәт бистәсендә кешеләрне куркуда тотучы этләрне аулау өчен полиция чакыртырга туры килә

Казанның Әмәт бистәсендә кешеләрне куркуда тотучы этләрне аулау өчен хәтта полиция чакыртырга туры килә. Биредә этләрнең берсе хуҗалы булып чыга һәм ул кеше - ау хезмәткәрләренә ташлана.

Бистәдәге халык инде ел башыннан бирле куркып яши. Этләр монда өерләре белән йөри, машиналарга ташлана, кешеләрдән дә курыкмыйлар. Гыйнвар һәм февраль айларында чара күрүне сорап, халык 7 мөрәҗәгать калдырган.