Апас районы башлыгы махсус хәрби операциядәге якташларына район ярдәме турында сөйләде

Гуманитар ярдәм оештыруга төрле җәмгыятьләр кушылды. Мәсәлән, Апас районының Казандагы “Якташлар” җәмгыяте мобилизацияләнгән егетләргә һәм Лисичанск шәһәре халкына гуманитар ярдәм озатты. Бу эш туктаусыз дәвам итә.

"ТНВ-Татарстан" һәм "ТНВ-Планета" телеканалларында уза торган «Барысы да Җиңү өчен!» телевизион марафоны эфирында Апас районы башлыгы Айрат Җиһаншин райондашларының махсус һәрби операциядә катнашучы якташларына ничек ярдәм итүләре турында сөйләде.

Марафонның башлап йөрүчесе — ОНФның Татарстан Республикасындагы төбәк бүлеге. Теләге булган һәркем махсус хәрби операциядә катнашучыларга матди ярдәм күрсәтә ала. Моның өчен экранда күрсәтелгән QR кодны кулланырга кирәк була. Җыелган ярдәм Татарстаннан мобилизацияләнгән һәм үз теләге белән баручыларга тапшырылачак.

Яу кырындагы хәрбиләргә ярдәм итик!