Ирләрне саклар чор җитә. Нигә дөнья хатын-кызлар ягына авыша?

Иктисад тармакларында эшләүчеләрнең күп өлеше ир-егетләр. Ил буенча аларның уртача яше 49, хатын-кызларныкы 44. Демографлар 12-14 елдан Россиядә ир-атларның саны кимиячәк дигән фаразын җиткерә. Моны халык исәбен алу да күрсәткән.

Шушы фактны исәпкә алып, Россиядә ир-атларның мәнфәгатен кайгырту буенча илкүләм стратегия дә барлыкка килергә мөмкин. Хәзер белгечләр арасында шундый фикер алышулар бара.

Хатын-кызларга кагылышлы шундый документ илдә күптән түгел генә кабул ителгән иде. Җанисәп мәглүматы буенча, Татарстанның күпчелек районнарында хатын-кызлар сан ягыннан күбрәк булып чыккан. Рания Абдрахманова ни өчен дигән сорауга җавап эзләде һәм дистәгә якын сәбәбен тапты.