Татарстанда сабыйларга нинди исемнәр кушканнар? Демьян, Билал, Мансур һәм Зәлилә

Узган атнада, 6 марттан 12 мартка кадәр, Гражданлык хәле актларын теркәү идарәсенең Казан бүлекләрендә 348 бала - 208 малай һәм 140 кыз тууы теркәлгән. Шул ук вакыт аралыгында 184 пар үзләренең никахларын рәсмиләштергән, дип хәбәр итә Казан мэриясе матбугат хезмәте.

Иң кечкенә сабый 730 грамм авырлыкта туган, ә иң зурысы 4835 грамм тәшкил иткән.

Атнаның иң популяр исемнәр арасында Марк, Максим, Тимур, Камил, София, Әминә, Ева һәм Камилла булган, ә иң сирәк исемнәр – Демьян, Билал, Мансур, Альвина, Ландыш, Зәлинә.

Фото: pixabay