Ярдәм кирәк: Йортлары 10 минут эчендә янып беткән

Казанның Вознесение бистәсендә яшәүче Каниевларга ярдәм кирәк. 16 ел дәвамында туплаган мал-мөлкәтләре 10 минут эчендә янып кара күмергә әйләнгән.

Бу гаиләдә өч яшьлек бала да үсә. 19 март көнне чыккан янгын аларны өйсез калдырган. Хәзер туганнарында яшәп торырга мәҗбүрләр. Зур булмаган йортта хуҗалары - 4әү, һәм Каниевлар да 4 кеше. Якын-тирәдәгеләр мөмкин булганча ярдәм күрсәткән. Ләкин яңа йорт торгызу өчен бу гына җитми.