Хәрби комиссар Погодин Татарстаннан хәрби хезмәткә ничә егет чакырылачагын әйтте

Татарстан хәрби комиссары Сергей Погодин хәбәр иткәнчә, язгы чакырылышка Татарстаннан 3 000нән артык срочник җибәрергә планлаштыралар, дип хәбәр итә «Татар-информ».

Хәрби комиссар сүзләренчә, чакырылышның башында ук килгән егетләргә күбрәк сайлау мөмкинчелеге биреләчәк. Гаскәрләрне бүлгәндә чакырылучының сәламәтлеге, әзерлеге һәм психологик тикшеренү нәтиҗәләре исәпкә алына.

Язгы чакырылыш кампаниясе 1 апрельдән 15 июльгә кадәр дәвам итәчәк. Погодин ассызыклаганча, елдан-ел качып йөрүчеләр саны кими.

Фото: ТНВ