Казанда «Лада» автомобиле йөртүчесе электрлы самокатчыны бәрдергән

Фаҗигале хәл кичә Казанның Сафиуллин урамында килеп чыга. 26 яшьлек ир-атны «зебра»дан самокат ярдәмендә чыгып барганда "Лада" машинасы бәрдергән. Бу хакта Казандагы ЮХИДИнең матбугат хезмәтендә хәбәр иттеләр.

Кичә ир-атны РКБга алып килгәннәр. Хәзерге вакытта ул өендә дәвалана.

Искәртеп үтәбез, юл хәрәкәте кагыйдәләре буенча, электрлы самокат, гироскутер кебек шәхси мобиль транспорт чараларын йөртүчеләр юлны, транспорттан төшеп, җәяү чыгарга тиеш.

Фото: Казанның ЮХИДИ матбугат хезмәте