Нурлат буенча ЮХИДИ бүлеге җитәкчесе Денис Агеев вафат

Татарстанның Эчке эшләр министрлыгында Нурлат районы буенча ЮХИДИ бүлеге җитәкчесе Денис Агеев үлүе турында хәбәр иттеләр. Бүген министрлыкта моны “Татар-информ” мәгълүмат агентлыгына расладылар.

Кичә кич белән Денис Агеевның үле гәүдәсен эш урынында тапканнар. Янында пистолет булган. Хәзер әлеге хәл буенча министрлыкта тикшерү эшләре бара.

Агеев Нурлат буенча ЮХИДИ бүлеген 2022 елның июненнән җитәкли башлый. Аңа кадәр Казанның юридик институтын тәмамлаган. Ир-атка 32 яшь иде.

Фото: телеграм-канал Mash Iptash