Питрәчтә махсус хәрби операциядә һәлак булган ике татарстанлы белән хушлаштылар

Татарстанның Питрәч районында берьюлы ике хәрбине соңгы юлга озаттылар. Алар Украинада махсус операциясе барышында батырларча һәлак булганнар. Бу хакта район башкарма комитетының матбугат хезмәте хәбәр итә.

Татарстанлыларның берсе 44 яшьлек өлкән сержант Собир Худайбердиев "Алга" батальонында хезмәт иткән, 2023 елның 3 мартында һәлак була.

Икенче татарстанлы Гомәр Шакировка 42 яшь иде. Ул 6 февраль көнне һәлак булган. ТНВ сайты редакциясе һәлак булганнарның туганнары һәм якыннарының кайгысын уртаклаша.

Фото: evening-kazan.ru