Ялның беренче тәүлегендә Татарстанда суыта: төнлә -9 градус булачак

8 апрель Татарстан җирлегендә явым-төшемсез болытлы көн көтелә. Төньяк-көнчыгыш җиле урыны белән 6-11 м/с кадәр җитәчәк.

Татарстанның гидрометеоролгоия идарәсе синоптиклары алдагы төндә Республикада һава температурасы -1..-6 градуска кадәр җитәчәк дип фаразлый. Көнчыгышның иң чиктәге районнарында исә бу сан -9 градус булачак. Көндез һаваның максималь температурасы +8..+13 градус тәшкил итәчәк.

Казанда төнлә -1..-5 градуска кадәр суытачак. Көндез Республика башкаласында һава +9..+13 градуска кадәр җылыначак.

Фото: chudo-prirody.com