Илназ Галәвиевны гомерлеккә ирегеннән мәхрүм иттеләр

Татарстан Югары Суды 2021 елның маенда Казанның 175 нче гимназиясендә атыш оештырып, 9 кешене үтергән Илназ Галәвиев эше буенча карар чыгарды. Илназ Галәвиевны гомерлеккә ирегеннән мәхрүм иттеләр. Бу хакта суд залыннан ТНВ хәбәрчеләре җиткерде.

Процесс узган елның ноябрьдә башланды. Эш материаллары 300дән артык томнан тора. 600дән артык кеше зыян күргән. Тулырак мәгълүматны бүген 19:30 һәм 20:30 сәгатьтә ТНВда кичке яңалыклар чыгарылышында карагыз.