14 апрельдә Татарстанда сизелерлек суытачак. Көчле җил көтелә

14 апрельдә Татарстан җирлегендә явым-төшемсез болытлы көн көтелә. Җил урыны белән 25-26 м/с кадәр җитәчәк. Башка көннәр белән чагыштырганда, иртәгә бик суытачак.

Татарстанның гидрометеорология идарәсе синоптиклары алдагы төндә Республикада һава температурасы +1..-5 градуска кадәр җитәчәк дип фаразлый. Көндез һаваның максималь температурасы +3..+8 градус тәшкил итәчәк.

Казанда төнлә -1..+1 градус булачак. Көндез Республика башкаласында һава +5..+7 градуска кадәр җитәчәк.

Фото: chudo-prirody.com