Рөстәм Миңнеханов Татарстан кырларының берсендә аю очраткан - видео

Татарстан Рәисе Рөстәм Миңнеханов бүген язгы кыр эшләренең ничек баруын тикшерде. Тик тикшерү гадәти булмаган: Рәис кырда аю күргән. Көтелмәгән очрашу мизгелләрен ул телеграм каналында күрсәткән.

Рөстәм Миңнеханов төшергән видео буенча, аның вертолётта булуы аңлашыла. Рәис аюның кыр буйлап урманга таба йөгергән мизгелен төшереп алган.

«Вертолётта республикада язгы кыр эшләренең барышы белән танышырга чыккан идем – юлда аю очраттым!» - дип язган ул.