Казанда 1 нче бала табу йорты ремонтка ябылачак

Казанның 7 нче клиник хастаханәсенең 1 нче бала табу йортын төзекләндерәчәкләр.

Шуңа күрә 29 апрельдән 12 июньгә кадәр ул эшләмиячәк. Бу хакта "Реальное время" интернет-газетасы яза.

Булачак аналарны Сәламәтлек саклау министрлыгы раслаган башка бала табу йортларында кабул итәчәкләр. Ведомство төзегән исемлектә территориаль ераклык, шулай ук төрле паталогияләр барлыкка килү куркынычы исәпкә алынган.

Фото: 7 нче клиник хастаханәсе