Татарстанда сабыйларга нинди исемнәр кушканнар? Таир, Хәят, Тамина һәм Арья

Узган атнада, 17 апрельдән 23 апрельгә кадәр, Гражданлык хәле актларын теркәү идарәсенең Казан бүлекләрендә 301 бала - 158 малай һәм 143 кыз тууы теркәлгән. Шул ук вакыт аралыгында 157 пар үзләренең никахларын рәсмиләштергән, дип хәбәр итә Казан мэриясе матбугат хезмәте.

Иң кечкенә сабый 900 грамм авырлыкта туган, ә иң зурысы 5 килограмм тәшкил иткән.

Атнаның иң популяр исемнәре арасында Артур, Әмир, Марк, Артём, Кира, Полина, Есения һәм Камилә булган, ә иң сирәк исемнәр – Оскар, Таир, Хәят, Евсения, Тамина, Арья.

Фото: pixabay